У свеце вялікім сярод мноства школ,
Ёсць адна, у якую ты вучыцца прыйшоў.
Ёсць школа такая, якой ганаруся я -
Гімназія любая мая.

Першы школьны дзень нельга забыць. Усё вакол нова, цікава. Так радасна на душы ад таго, што ты цяпер вучаніца. Хутка ляціць час...
I вось я ўжо вучуся ў 4 "В" класе гімназіі № 2. Мне б хацелася падзяліцца думкамі аб сваёй школе, расказаць аб школьным жыцці, напоўненным радасцю, цікавымі падзеямі i толькі станоўчымі ўражаннямі.

Майго класнага кіраўніка завуць Таццяна Сяргееўна Малаш, выхавальніка групы падоўжанага дня - Алена Аляксандраўна Гарох. Яны велъмі хвалююцца за вучняў нашага класа i аддаюць ім усю душу. Таццяна Сяргееўна i Алена Аляксандраўна вучаць нас дабру, паважаць адзін аднаго, выхоўваюць патрыятычныя пачуцці.

Колькі цікавых мясцін нашай роднай Беларусі нам давялося наведаць! Мы пабывалі ў Мінску, Тураве, Нясвіжы, Белавежскай пушчы, Мірскім замку, Хораставе. Кожная паездка была цікавай, захапляльнай. Мы шмат чаго даведаліся пра нашу Радзіму, яе гісторыю, герояў i таленавітых людзей. Вандраваць па родных i жывапісных прасторах нашай краіны разам з сябрамі i любымі настаўнікамі - гэта сапраўднае шчасце i асалода.

Дзякуючы нашым педагогам i арганізатарам школы, мы - i вучоныя, i знатакі, i матэматыкі, i артысты. Кожны можа паспрабаваць свае сілы ў розных конкурсах, алімпіядах, праявіць сябе, узбагаціць свае веды, набыць упэўненасць i самастойнасць.

Весела i цікава праходзяць у гімназіі ранішнікі, Дні Імянінніка, святы, прысвечаныя Дню Маці, 8 Сакавіка, 23 Лютага. На ix заўсёды пануе гумар, смех i толькі добры настрой.

Паспрабаваць свае фізічныя сілы, праявіць вытрымку, смеласць i хуткасць кожны можа ў розных спартыўных святах: гульні "Два капітаны", спартландыі "Вясёлыя старты", эстафетах, якія арганізуюцца i праходзяць у гімназіі. Пасля такіх мерапрыемстваў кожны атрымлівае задавальненне, зарад бадзёрасці i здароўя.

Зразумела, за гэтым yciм стаіць плённая праца адміністрацыі, творчых i таленавітых педагогаў, apraнізaтapaў гімназіі. Вялікі дзякуй iм за радасныя імгненні, за атмасферу дабра i ўтульнасці ў сцянах роднай школы, за пяшчоту i дабрату педагогаў. 3 нецярпеннем чакаю наступнага свята, калі са свaiмi сябрамі мы зможам праявіць свой талент, а гімназія гасцінна запросіць ycix жадаючых на новую цікавую i захапляльную сустрэчу.

Я сапраўды ганаруся тым, што маю магчымасць вучыцца i развівацца ў сваёй любімай школе. Так i вабяць кожнае імгненне яе прыгажосць i ўтульнасць, пяшчотныя, ласкавыя, прыветлівыя твары любых педагогаў, якія кожны дзень з усмешкай сустракаюць на парозе школы.