У гімназіі № 2 г. Салігорска 17 лютага адбылася ўрачыстая сустрэча з нагоды Дня памяці. Ганаровым госцем вечара стаў былы воін-інтэрнацыяналіст – Калацкі Сяргей Пятровіч.

    Вечар Памяці пад назвай "Афганістан, ты наш боль” пачаўся з музычнай кампазіцыі, падрыхтаванай вучнямі 10-ых класаў, класнымі кіраўнікамі – Алекса Т.А., Царыкевіч С.І., Валчок Л.А. і педагогам-арганізатарам – Жук В.К.

    Ветэран афганскай вайны падзяліўся сваімі ўспамінамі аб тых жудасных гадах службы ў Кандагары, дзе ў яго, старшага  лейтэнанта, у падначаленні былі 24 чалавекі. Асноўная місія – не толькі ваенная, а і чалавечая – вызначалася ў тым, каб выжыць у крытычных ваенных умовах і захаваць жыцці салдат.

    На вечары прагучалі вершы Муравейкі П.А. – маці загінуўшага нашага земляка – Муравейкі Мікалая Паўлавіча, які званне героя Савецкага Саюза атрымаў пасмяротна.

    Трэба адзначыць, што і вучні, і настаўнікі, і госці мерапрыемства  пранікліся атмасферай сапраўднага гераізму, патрыятызму і чалавечага доўгу.

    Хацелася б выразіць вялікую ўдзячнасць Калацкаму С.П. і ўсім воінам-інтэрнацыяналістам і пажадаць ім моцнага здароўя, аптымізму, душэўнай раўнавагі, спакою і гармоніі ва ўсім.

    Мы ганарымся такімі землякамі і захапляемся іх мужнасцю, высакароднасцю і чэсцю.