Міністэрства адукацыі Беларусі ініцыіруе эксперымент па замене ўсіх школьных падручнікаў на электронны планшэт. Аб гэтым паведаміў на пасяджэнні калегіі Міністэрства адукацыі першы намеснік міністра адукацыі Аляксандр Жук.

   Паводле слоў Аляксандра Жука, такі эксперымент можа быць спачатку праведзены ў адной з абласцей Беларусі, а далей быць укаранёны паўсюдна. Аляксандр Жук лічыць, што пілотны праект падтрымаюць усе ўдзельнікі адукацыйнага працэсу. Плануецца, што замест усіх школьных падручнікаў з 1-га па 11-ы клас школьнікі атрымаюць электронны планшэт, у які будзе ўнесена ўся інфармацыя.