Роля літаратуры ў жыцці чалавека, сапраўды, велізарная. Асабліва, калі ты чытаеш кнігі на сваёй роднай, знаёмай з дзяцінства, мове. Вельмі шкада, што ў наш час пра беларускую мову ўжо амаль усе людзі забыліся. У наш час ніхто не размаўляе па-беларуску. Але ж гэта наша родная мова.

         Гэтае сачыненне я падрыхтавала, каб расказаць вам, паважаныя сябры і настаўнікі, пра літаратуру, пра кнігі, пра ролю літаратуры ў жыцці чалавека. З вашага дазволу я пачну…

Кнігі… Літаратура… Многія людзі не задумваюцца, для чаго мы патрэбны. Школьнікі заўсёды абураюцца, калі ім даводзіцца чытаць. Вельмі часта чутны пытаніі ад іх: "Навошта гэта трэба чытаць?”, або сцвярджэнні такія як: "Не… Яно мне не патрэбна”. Дарослыя таксама не чытаюць. У некаторых мала часу, а некаторых проста гэта не цікавіць…

         А дарма. Людзі, задумайцеся! Кнігі - гэта наша жыццё! З самага маленства вашыя бацькі чыталі вам казкі, пад якія вы засыпалі! Ваша вучоба ў школе таксама пачалася з кніг! Усё жыццё вы сустракаліся і будзеце сустракацца з кнігамі, з літаратурай! Бо менавіта гэтыя крыніцы дапамагаюць нам прымаць правільныя рашэнні. Часам, гледзячы на герояў кнігі, мы даведваемся саміх сябе ці сваіх сяброў, мы вучымся на чужых памылках і стараемся іх не дапускаць. Чытаючы любы твор, мы  удасканальваемся, як у вуснай так і ў пісьмовай мове. Мы папаўняем свой слоўнікавы запас, пашыраем далягляд, тым самым робім сябе больш цікавым чалавекам. З кнігі мы можам пазнаць мінулае: бітвы, розных гістарычных асоб, навуковыя даследаванні,  можам даведацца пра гісторыю сваёй Радзімы і спазнаць культуру і рэлігію іншых народаў. Літаратура развівае мысленне і фантазію.

         Не мае значэння, якія кнігі. Апавяданні гэта альбо вершы, аповесці абльбо раманы. Энцыклапедыі ці яшчэ нейкія навуковыя паведамленні. Кніга – гэта ўвесь свет. Кніга – гэта ключ да  ведаў. Чытайце, як мага больш і вы пазнаеце шмат новага і карыснага для сябе.