Балоцька Алена Казіміраўна,

настаўнік беларускай мовы і  літаратуры

23 красавіка 2014 года ў Дзяржаўнай установе адукацыі “Гімназія №2 г. Салігорска” была праведзена літаратурная гасцёўня “Будзе, будзе да скону мне Чарнобыль балець…” з удзелам паэта-земляка Хведара Хведаравіча Гурыновіча.
    Сустрэча атрымалася цёплая і сардэчная, мерапрыемства – цікавае і змястоўнае. Ніхто з прысутнічых не застаўся абыякавым да трагедыі, жудаснай катастрофы ХХ стагоддзя. Заяўленая тэма  болем і горыччу адгуквалася ў сэрцах удзельнікаў. 
    Вельмі выразна, прачула і ўзрушана чыталі вершы паэта-земляка вучні: Траян Юлія (8 “В”), Бараноўская Алена (7”Б”), Пішчэўская Анастасія (9”Б”), Скалабан Вольга (9”А”), Новік Дзяніс (10”А”), Уласенка Аляксандра (9”В”).
    Цікавым было і тое, што верш дзядулі выдатна чытаў унук паэта Станіслаў Гурыновіч, вучань 9”В” класа гімназіі. Асабліва хочацца адзначыць вядучых мерапрыемства Сіняк Лізавету і Пузевіча Сяргея, вучняў 8 “Б” класа. 
      Гэту сустрэчу аздобіў і тэматычна ўзбагаціў танец “Ручнікі” ў выкананні вучняў 7 “А” класа пад кіраўніцтвам Чыкун С.А. Вера ў жыццё, у шчасце і радасць, нягледзячы ні на што, прагучала ў песні “Новы дзень”, якую падарылі вучні 6 “Б” класа пад кіраўніцтвам Наруцкай А.В. 
    Пранікнёна гучалі словы паэта Хведара Хведаравіча да нас: берагчы мінулае і клапаціцца аб будучым, з сумленнем і шчырасцю пражываць сенняшні дзень.
       Адметнасцю мерапрыемства стала хвіліна маўчання ў гонар ахвяр Чарнобыля.
      Хведару Хведаравічу  прагучалі словы падзякі,  ўручаны сувеніры і кветкі. Вучні гімназіі мелі магчымасць узяць аўтографы ў паэта.